حرية محبوسة

  الحاء حقي مهضوم

و الراء راضي و مضلوم

و الياء يائس كل يوم

و التاء تالف وسطهم

هي هادي أخوتي حرية مغربنا

حرية صحافة دفنوها فدولتنا

حرية كتابة عتقلوها وسط أرضنا

حرية نقابة قمعوها فوطنا

حريتنا هي ماتحاسبش اللي خطا

أو تناقش السلطة

أو تقول على مسؤول عمل فحياتو غلطة

حريتنا هي ماتقيش هدا و هدا و حتى هدا و هدا

و ويلا بقالك شي حد ما تقولوش لمدا

حريتنا هي الدولة ديما على حق

و ويلا هضرت في الحق يسلخو جلدك بالدق

حريتنا هي ما تهضرش بحرية

خلي كلامك محسوب أو يلبسوك قضية

حريتنا هي أساس كل حرية

السرقة و الفساد في بلادي محمية

حريتنا هي حمامة فوسط قفز

قطعولا جناحاتا و قالولا طير و قفز

حريتنا حارة اللي داقا قال مارة

سول جلود الناس اللي كانت حاضرة

حريتنا مدادها غالي كتبوها رجال فالعالي

بالدم و الجوع و الضرب أيام و ليالي

سولنا حورية أشن هي الحرية

شافت فينا و ردات سيدنا يرضى عليا

 

أنس بنتاويت